Why we all need to practice emotional first aid - Guy Winch

ဘာကြောင့် ကျွန်တော်တို့တွေက

စိတ်ကျန်းမာရေးကို

ခန္ဓာကိုယ်ကျန်းမာရေးလောက်

ဂရုမစိုက်မိကြတာလဲ ?

အကယ်၍ သင့်ခန္ဓာကိုယ်မှာ

အနာတရတစ်ခုခုဖြစ်ခဲ့ရင်

ပိုးမဝင်အောင်ပတ်တီးစည်းရမယ်ဆိုတာ

သိသလိုမျိုး သင့်စိတ်ဓာတ်ရေးရာ

မထိခိုက်အောင် ဘယ်လိုထိန်းသိမ်းရမလဲ

ဆိုတာလည်း သိသင့်ပါတယ်။

▂▂▂▂▂

ကျွန်တော်တို့တွေဟာ စိတ်ထဲကခံစားရတဲ့

အထီးကျန်ခြင်း ငြင်းပယ်ခံရခြင်း ရှုံးနိမ့်ခြင်း စတဲ့

ဝေဒနာတွေကိုဖုံးကွယ်ပြီး နေလေ့ရှိကြပါတယ်။

ဒီလိုဖြစ်ရပ်တွေကိုပိုပြီးလျစ်လျူရှုလေလေ

ပိုပြီးဆိုးဝါးတဲ့အခြေအနေကို

ရောက်လေလေဖြစ်ပါတယ်။

ဒါတွေကိုဂရုမစိုက်နိုင်တဲ့အခါ

စိတ်နာမကျန်းဖြစ်တာကလည်း

ခန္ဓာကိုယ်နာမကျန်းဖြစ်မှုလိုပဲ

အသက်ဆုံးတဲ့အထိဖြစ်နိုင်တယ်ဆိုတာ

မေ့ထားလို့မရပါဘူး။

စိတ်ထောင်းကိုယ်ကြေ ဖြစ်တတ်သလို

စိတ်ဆောင်ရင်လည်း အောင်နိုင်ပါတယ်။

ဒါကြောင့် စိတ်ရဲ့ အရေးပါမှုက

ကျွန်တော်တို့ဘဝမှာ

သက်ရောက်မှု အလွန်များပါတယ်။

▂▂▂▂▂

ခန္ဓာကိုယ်ကျန်းမာရေး နဲ့

စိတ်ပိုင်းဆိုင်ရာကျန်းမာရေး က

အမွှာတွေလိုဖြစ်တဲ့အတွက်

နှစ်ခုလုံးကိုအတူတူ ဂရုစိုက်ဖို့လိုတယ်လို့ စိတ်ဗေဒပညာရှင် Guy Winch က

“Why we all need to practice emotional first aid”

ဆိုတဲ့ ခေါင်းစဉ်နဲ့ TED talk show မှာ

ပြောပြခဲ့ပါတယ်။

▂▂▂▂▂

Winch ပြောပြခဲ့တဲ့

စိတ်ပိုင်းဆိုင်ရာကျန်းမာရေးအတွက်

ဘယ်လိုအကြောင်းအရာတွေကို ဂရုစိုက်သင့်သလဲဆိုတာတွေကို

ဖော်ပြပေးသွားပါမယ်။

🎈စိတ်ခံစားမှုနဲ့သက်ဆိုင်တဲ့နာကျင်မှုတွေကိုသတိမူပါ။

ဘယ်လိုအကြောင်းအရာတွေကြောင့်

မိမိခံစားရသလဲဆိုတာကို

မေ့မေ့ပျောက်ပျောက်မထားပဲ

ပိုပြီး မဆိုးလာခင်မှာပဲ ပျောက်အောင်ကုသပါ။

အထီးကျန်မှု နဲ့ ငြင်းပယ်ခံရခြင်းတွေက

ကျွန်တော်တို့တွေကို ဆိုးဝါးစွာ

စိတ်ထိခိုက်စေပါတယ်။

ဒါကြောင့် သင်ချစ်တဲ့သူဖြစ်စေ

သင်ကိုယ်တိုင်ဖြစ်စေ

ခံစားနေရတယ်ဆိုရင် အချိန်မီပြေပျောက်အောင်

ကုသပေးဖို့လိုအပ်ပါတယ်။

🎈ကျရှုံးမှုတွေနဲ့ရင်ဆိုင်ရတဲ့အခါ သင့်စိတ်ကိုအာရုံလွှဲပါ။

ကျရှုံးမှုတွေက

သင်မလုပ်နိုင်ခဲ့တဲ့အရာတွေအပေါ်ပဲ

အာရုံစိုက်မိနေစေပြီး သင်လုပ်နိုင်တဲ့အရာတွေကို

မေ့ပျောက်သွားစေနိုင်ပါတယ်။

ဒါကို ထိန်းချုပ်ဖို့ရန်အတွက် ကျရှုံးပြီးနောက်မှာ

ခံစားရတဲ့ စိတ်ဓာတ်ကျဆင်းမှုတွေ

အကူအညီမဲ့နေမှု တွေကို မေ့နိုင်ဖို့ကြိုးစားပါ။

ဒါတွေအစား နောက်လုပ်စရာတစ်ခုကို

ပြင်ဆင်နေတာမျိုး စီစဉ်နေတာမျိုးတွေနဲ့

ထိန်းချုပ်နိုင်ပါတယ်။

🎈မိမိကိုယ်ကိုအချိန်ပေးပြီးဂရုစိုက်ပါ။

အကယ်၍ သင်စိတ်ဓာတ်ကျသလို

ခံစားနေရပြီဆိုရင်

သင့်ကိုယ်သင်ကြင်နာဖို့အချိန်ရောက်ပါပြီ။

Self-esteem ဆိုတာက စိတ်ပိုင်းဆိုင်ရာအတွက်

Immune system လိုပါပဲ။

ဒါကြောင့် တခါတလေမှာ

သင်လုပ်ချင်တဲ့အရာလုပ်ပြီး

ပျော်သလိုနေလိုက်ခြင်းက လိုကိုလိုအပ်ပါတယ်။

🎈မိမိစိတ်ထဲမှာ Negative အတွေးတွေ

များနေပြီဆိုရင် Positive အတွေးတွေနဲ့

အစားထိုးဖို့ကြိုးစားပါ။

သင့်စိတ်ထဲမှာ အမြင်မကြည်တဲ့အရာတွေပဲ

စဉ်းစားမိနေပီဆိုရင် တစ်ရက်ကို 2 မိနစ်လောက်

အချိန်ပေးပြီး game ကစားတာဖြစ်စေ

စာဖတ်တာဖြစ်စေ စတဲ့ concentrate လုပ်ရတဲ့အရာတွေနဲ့ ကုစားကြည့်ပါ။

🎈ဆုံးရှုံးသွားခြင်းတွေရဲ့အနက်အဓိပ္ပာယ်ကိုရှာဖွေပါ။

တကယ်တော့ ဆုံးရှုံးခြင်းဆိုတာကလည်း

ဘဝရဲ့အစိတ်အပိုင်းတစ်ခုပဲဖြစ်ပါတယ်။

အဲ့ဒီကရတဲ့စိတ်ဒဏ်ရာက

သေချာမကုစားဘူးဆိုရင်

ဘဝမှာအမာရွတ်ထင်ကျန်နိုင်ပါတယ်။

Recover ဖြစ်ဖို့အကောင်းဆုံးနည်းလမ်းကတော့

ဆုံးရှုံးမှုတွေကနေ အကောင်းဘက်ကိုမြင်နိုင်ဖို့

ရည်ရွယ်ချက်ကိုရှာဖွေတာပါပဲ။

🎈အပြစ်ရှိတဲ့ခံစားချက်ကြီးနဲ့အမြဲမနေပါနဲ့။

မိမိကိုယ်ကို အပြစ်ရှိတယ်လို့ ခံစားနေရရင်

ထိထိရောက်ရောက်တောင်းပန်လိုက်ခြင်းက

အကောင်းဆုံးဖြေရှင်းချက်ပါပဲ။

သင်ဘာကြောင့်ဘယ်လိုလုပ်လိုက်တာပါဆိုပြီး

ရှင်းပြတာထက် မိမိကြောင့်တစ်ဖက်လူ

ဘယ်လိုထိခိုက်သွားသလဲ ဆိုတာကိုဂရုစိုက်ပြီး

တောင်းပန်သင့်ပါတယ်။

🎈ဘယ်လိုအမျိုးအစား စိတ်ပိုင်းဆိုင်ရာကုသမှုတွေက မိမိအပေါ်သက်ရောက်မှုရှိသလဲဆိုတာကိုလေ့လာပါ။

သင်ဘယ်လိုအရာတွေလုပ်တဲ့အခါ

စိတ်ကခံစားရတဲ့

ဒဏ်ရာတွေက သက်သာသွားသလဲ ၊

Recover ဖြစ်တာ ဘယ်လိုနည်းလမ်းနဲ့ဆို မြန်မလဲ စသဖြင့်ကုသနည်းတွေရှိပါတယ်။

အထူးသဖြင့် သင်ခက်ခဲတဲ့အချိန်

စိတ်ဓာတ်ကျတဲ့အချိန်တွေမှာ

ဘယ်လိုအရာတွေက

သင့်ကိုစိတ်သက်သာရာရစေလဲဆိုတာကို

သေသေချာချာရေးမှတ်ထားဖို့လည်းမမေ့ပါနဲ့။

▂▂▂▂▂

စိတ်ပိုင်းဆိုင်ရာကျန်းမာရေးအတွက်

လေ့ကျင့်ခြင်းက မလွယ်ကူတဲ့အပြင်

အချိန်ပေးရတဲ့ကိစ္စတစ်ခုဖြစ်ပါတယ်။

ဒါပေမယ့် အောင်မြင်သွားတဲ့အခါမှာ

တစ်ဘဝလုံးစာအတွက်

အကျိုးအမြတ်ရှိမယ်ဆိုတာကတော့ အသေအချာပါပဲ။

ဒါကြောင့် မိမိကိုယ်တိုင်သာမက

မိမိပတ်ဝန်းကျင်ကိုပါ

ကိုယ့်ကိုကိုယ်ချစ်တတ်ဖို့ တိုက်တွန်းအားပေးရင်း

စိတ်ဓာတ်ခွန်အားတွေကို

မြှင့်တင်သွားရမှာဖြစ်ပါတယ်။

▂▂▂▂▂

ဒီ TED Talk လေးကို ဒီတစ်ပတ်အတွက် ကြည့်ရှုသင့်တဲ့ TED Talk အဖြစ် 12min Notes မှ recommend လုပ်ပါတယ်။

မူရင်း TED Talk ကို အောက်က link လေးနှိပ်ပြီး တိုက်ရိုက်သွားရောက်ကြည့်ရှုနိုင်ပါတယ်။

Guy Winch TED Talk Link:

https://www.ted.com/talks/guy_winch_why_we_all_need_to_practice_emotional_first_aid

[Author - May Dae]

ဒီ Post လေးကို သဘောကျတယ်ဆိုရင် နောက်ထပ် ဒီလိုမျိုးအကျိုးရှိတဲ့အရာတွေ ထပ်တင်ပေးနိုင်အောင် ဒီ Post လေးကို Like & Share လုပ်ပေးခဲ့ဖို့ တောင်းဆိုပါတယ်။

#12minNotesMyanmar #TED #review

❌ 12min Notes Myanmar ၏ မြန်မာဘာသာ TED Talk review များကို လွတ်လပ်စွာ Share လုပ်နိုင်ပါသည်။ Credit ပေး၍ ကူးယူခြင်းကို ခွင့်မပြုပါ။ ❌

Author : 12min Notes Myanmar