Bottom- Dollar Effect

ပိုက်ဆံအိတ် ပါးလာတာနဲ့အမျှ လုံးပါးပါးလာတဲ့ စိတ်ကျေနပ်မှုတွေ (Bottom- Dollar Effect ဆိုတဲ့ စိတ်ပညာ ထောင်ချောက်)

ကျွန်တော်တို့အားလုံး ဒါမျိုးကြုံဖူးကြမှာပါ။ 

လကုန်ရက်နားနီးလာပြီ၊ ပိုက်ဆံအိတ်ကလည်း တော်တော်လေး ပါးနေပြီ။

ဒီအချိန်မှာ ကိုယ်အရမ်းကြိုက်တဲ့ဆိုင်က Coffee တစ်ခွက်သွားဝယ်သောက်တယ်၊ ဒါမှမဟုတ် Facebook ပေါ်ကတွေ့တဲ့ ကိုယ်သဘောကျတဲ့ ပစ္စည်းလေးတစ်ခု ဝယ်လိုက်တယ်။

ဒါပေမဲ့ ထူးဆန်းတာက... အဲဒီ Coffee က အရင်သောက်နေကျလောက် မကောင်းတော့သလို ခံစားရတယ်။ 

ဝယ်လိုက်တဲ့ ပစ္စည်းလေးကို ကြည့်ပြီး "ငါ ဒါကို တကယ်လိုအပ်လို့ ဝယ်လိုက်တာလား"၊ "ပိုက်ဆံကုန်တော့မယ့်ဟာကို မဝယ်လိုက်ရရင် ကောင်းမလား" ဆိုပြီး စိတ်ထဲမှာ မကျေမနပ် ဖြစ်လာတယ်။

ပုံမှန်ဆို အရမ်းကြိုက်တဲ့၊ အရမ်းကျေနပ်တဲ့ ပစ္စည်းတစ်ခုကိုမှ... ဘာလို့ အခုလို ပိုက်ဆံကုန်ခါနီးကျမှ ဝယ်လိုက်တော့ စိတ်မကျေနပ် ဖြစ်သွားရတာလဲ။

ဒါဟာ သင့်အမှားလည်း မဟုတ်ဘူး၊ အဲဒီပစ္စည်းရဲ့ အမှားလည်း မဟုတ်ပါဘူး။ 

ဒါက ကျွန်တော်တို့အားလုံး ကြုံတွေ့နေရတဲ့ စိတ်ပိုင်းဆိုင်ရာ ထောင်ချောက်တစ်ခုပါ။ 

သူ့ကို Behavioral Economics (အပြုအမူဆိုင်ရာ ဘောဂဗေဒ) မှာ The Bottom-Dollar Effect လို့ ခေါ်ပါတယ်။

ကဲ... ဒါက ကျွန်တော်တို့ရဲ့ ပိုက်ဆံသုံးစွဲပုံနဲ့ စိတ်ကျေနပ်မှုအပေါ် ဘယ်လို လှည့်စားနေလဲဆိုတာ အတူတူ ကြည့်လိုက်ရအောင်။

🧐 Bottom-Dollar Effect ဆိုတာ ဘာလဲ။

ရှင်းရှင်းလေးပါပဲ။ 

Bottom-Dollar Effect ဆိုတာက ကိုယ့်ရဲ့ Budget (သုံးဖို့သတ်မှတ်ထားတဲ့ငွေ) ကုန်ခါနီး နောက်ဆုံးပိုက်ဆံလေးနဲ့ ဝယ်လိုက်တဲ့ ပစ္စည်း သို့မဟုတ် ဝန်ဆောင်မှုအပေါ်မှာ "စိတ်ကျေနပ်မှု သိသိသာသာ လျော့ကျသွားတဲ့" စိတ်ပိုင်းဆိုင်ရာ သဘောတရားကို ခေါ်တာပါ။

ပြောရရင် ပြဿနာက ပစ္စည်းမကောင်းလို့ မဟုတ်ဘူး။ 

"ပိုက်ဆံကုန်တော့မယ်" ဆိုတဲ့ စိတ်ဖိစီးမှု၊ အဲဒီ "ငွေထွက်သွားရခြင်းရဲ့ နာကျင်မှု" (Pain of Payment) ကို ကိုယ်ဝယ်လိုက်တဲ့ ပစ္စည်းအပေါ် အပြစ်သွားပုံချလိုက်တာပါ။

ကျွန်တော်တို့ ဦးနှောက်က ပထမဆုံး သုံးလိုက်ရတဲ့ ၁၀၀၀၀ ကျပ် နဲ့ နောက်ဆုံးကျန်တဲ့ ၁၀၀၀၀ ကျပ်ကို တန်ဖိုးထားပုံ မတူပါဘူး။ 

လဆန်းမှာ သုံးရတဲ့ ပိုက်ဆံက "ပေါ့ပေါ့ပါးပါး" ရှိပေမယ့်၊ လကုန်မှာ သုံးရတဲ့ နောက်ဆုံး ပိုက်ဆံက "အရမ်းကို လေးလံ" နေပါတယ်။

🔬 ဒီအကြောင်းကို သုတေသနက ဘာပြောလဲ?

ဒီ Effect ကို Soster, Gershoff, နဲ့ Bearden တို့က ၂၀၁၄ မှာ စနစ်တကျ လေ့လာခဲ့ပါတယ်။ 

သူတို့ရဲ့ စမ်းသပ်ချက်တစ်ခုက အရမ်းရှင်းပြီး စိတ်ဝင်စားဖို့ကောင်းတယ်။

The Movie Credit Experiment (ရုပ်ရှင် Credit စမ်းသပ်ချက်)

သူတို့က လူတွေကို အုပ်စု (၂) ခု ခွဲလိုက်တယ်။

အုပ်စု (က): လူတွေကို Movie ကြည့်ဖို့ Credit 50 ပေးထားတယ်။ Movie တစ်ကားကို 10 Credit ကျသင့်မယ်။ သူတို့ကို Movie (၃) ကား ကြည့်ခိုင်းတယ်။ (၃) ကား ကြည့်ပြီးချိန်မှာ သူတို့မှာ Credit 20 ကျန်နေပါသေးတယ်။

အုပ်စု (ခ): လူတွေကိုတော့ Movie ကြည့်ဖို့ Credit 30 ပဲ ပေးထားတယ်။ သူတို့ကိုလည်း Movie (၃) ကား ကြည့်ခိုင်းတယ်။ (၃) ကား ကြည့်ပြီးချိန်မှာ သူတို့မှာ Credit (0) ဖြစ်သွားပြီး ဘာမှမကျန်တော့ပါဘူး။

အရေးကြီးတဲ့အချက် − နှစ်ဖွဲ့လုံးက သူတို့ကြည့်မယ့် Movie (၃) ကားလုံးကို စိတ်ကြိုက်ရွေးချယ်ခွင့် ရှိပါတယ်။

ရလဒ် −

ပထမ (၂) ကားမှာတော့ အုပ်စု (၂) ခုလုံးရဲ့ စိတ်ကျေနပ်မှုက သိပ်မကွာပါဘူး။

ဒါပေမဲ့ တတိယကား (နောက်ဆုံးကား) မှာ အကြီးအကြီး ကွာသွားတယ်။

Credit တွေ ကျန်သေးတဲ့ အုပ်စု (က) က သူတို့ရွေးထားတဲ့ တတိယကားကို ကြည့်ပြီး ကျေနပ်တယ်။ "ကားက ကောင်းတယ်၊ တန်တယ်" လို့ အကဲဖြတ်တယ်။

Credit ကုန်သွားတဲ့ အုပ်စု (ခ) ကတော့ သူတို့ကိုယ်တိုင် ရွေးထားတဲ့ တတိယကားကို "သိပ်မကောင်းဘူး"၊ "ကြည့်ရတာ မတန်သလိုပဲ" လို့ အကဲဖြတ်ခဲ့ကြတယ်။

ဒါဟာ ဘာကိုပြလဲဆိုတော့... 

အုပ်စု (ခ) က "ဒါ နောက်ဆုံးပဲ၊ ဒါကြည့်ပြီးရင် ငါ့မှာ ဘာမှမကျန်တော့ဘူး" ဆိုတဲ့ ခံစားချက်ကြောင့် သူတို့ရဲ့ "စိတ်မကျေနပ်မှု" ကို အဲဒီရုပ်ရှင်ကားပေါ် ပုံချပစ်လိုက်တာပါပဲ။

ဒါကို ကျွန်တော်တို့ လက်တွေ့ဘဝနဲ့ ချိတ်ကြည့်လို့ရပါတယ်။ 

ကိုယ်အရမ်းကြိုက်တဲ့ Restaurant တစ်ခုကို လဆန်းမှာ သွားစားရင် အရမ်းကျေနပ်တယ်။ 

ဒါပေမဲ့ အဲဒီဆိုင်ကိုပဲ လကုန် ပိုက်ဆံကုန်ခါနီးမှ သွားစားရင်တော့ "အင်း... အရင်လောက်တော့ မကောင်းတော့သလိုပဲ" ဆိုပြီး ခံစားရတတ်တာမျိုးပေါ့။

🤔 ဒါက ဘာလို့ ဖြစ်ရတာလဲ။

အဓိက တရားခံကတော့ Mental Accounting (စိတ်တွင်း စာရင်းတွက်ခြင်း) ဆိုတဲ့ ကျွန်တော်တို့ရဲ့ အကျင့်ကြောင့်ပါ။

ကျွန်တော်တို့ ဦးနှောက်က ပိုက်ဆံအားလုံးကို "တစ်ခုတည်း" လို့ မမြင်ပါဘူး။ 

သူ့အလိုလို "စိတ်ထဲက စာရင်းတွေ” ခွဲထားတယ်။

• ဒါက လစာငွေ။

• ဒါက အပိုဝင်ငွေ (Bonus)။

• ဒါက အိမ်လခနဲ့ စားစရိတ်အတွက် Budget။

• ဒါက အဝတ်အစားဝယ်ဖို့ Budget။

• ဒါက အပြင်မှာ Coffee သောက်ဖို့ Budget။

ဒီလို "အိုးလေးတွေ" ခွဲထားတဲ့အခါ၊ အိုးတစ်ခုခု (ဥပမာ "Coffee သောက်ဖို့ Budget") ကုန်ခါနီး ဖြစ်လာရင်၊ အဲ့ဒီထဲက နောက်ဆုံးပိုက်ဆံကို သုံးလိုက်ရတဲ့အတွက် "ပိုပြီး နာကျင်" ပါတယ်။ အဲ့ဒီ နာကျင်မှုကို မသိမသာလေးနဲ့ ဝယ်လိုက်တဲ့ Coffee အပေါ် ပုံချလိုက်တာပါ။

💳 Credit Card တွေက ပိုဆိုးစေနိုင်တယ်

Credit Card တွေ၊ "Buy Now, Pay Later" စနစ်တွေက ဒီ Effect ကို ပိုဆိုးစေပါတယ်။

ဘာလို့လဲဆိုတော့ သူက "နာကျင်မှု" ကို အချိန်ရွှေ့ဆိုင်းလိုက်လို့ပါ။

ဥပမာ၊ လဆန်းမှာ Credit Card နဲ့ ဈေးကြီးတဲ့ ပစ္စည်းတစ်ခု (ဒါမှမဟုတ်) ခရီးတစ်ခုကို ဝယ်လိုက်တယ်။ အဲဒီအချိန်မှာ ပိုက်ဆံအိတ်ထဲက ချက်ချင်းမထွက်သွားတော့ "နာကျင်မှု" မရှိဘူး။ အရမ်းပျော်တာပေါ့ (Cashless Effect)။

ဒါပေမဲ့... လကုန်မှာ Credit Card Bill လာပြီ။

အဲ့ဒီအချိန်က ကိုယ် လစာကုန်ခါနီး "Bottom-Dollar" အခြေအနေ ရောက်နေပြီ။ အဲ့အခါကျမှ အဲဒီ Bill ကို ရှင်းရတော့ "နာကျင်မှု" က အဆ ၁၀၀ လောက် ဖြစ်သွားတယ်။ 

အဲ့ဒီအခါမှာ "ငါ အဲဒီခရီးကို မထွက်ခဲ့ရရင် ကောင်းမလား"၊ "ဝယ်လိုက်တဲ့ ပစ္စည်းက တကယ်တန်ရဲ့လား" ဆိုပြီး အရင်က ပျော်ခဲ့တာတွေ၊ ကျေနပ်ခဲ့တာတွေကိုပါ ပြန်ပြီး စိတ်မကျေနပ် ဖြစ်လာပါတော့တယ်။

✅ ဒီထောင်ချောက်ကို ဘယ်လိုရှောင်မလဲ။

ဒီစိတ်ပိုင်းဆိုင်ရာ ထောင်ချောက်ကို သိသွားပြီဆိုတော့ ဒါကို ရှောင်လွှဲဖို့ နည်းလမ်းတွေ ရှိပါတယ်။

၁။ အချိန်ကိုက် ဝယ်ယူပါ။

ဈေးကြီးတဲ့ ပစ္စည်းတွေ၊ ကိုယ့်အတွက် အရေးကြီးတဲ့ ဝယ်ယူမှုတွေ (ဥပမာ- ဖုန်းအသစ်၊ ကွန်ပျူတာ) လုပ်မယ်ဆိုရင် လကုန်ခါနီး Budget နည်းနေချိန်မှာ မဝယ်ပါနဲ့။ လဆန်း (Payday) လို ပိုက်ဆံအိတ် ထူနေချိန်မှာ ဝယ်ပါ။ ဒါဆိုရင် "Pain of Payment" နည်းပြီး ကိုယ်ဝယ်လိုက်တဲ့ ပစ္စည်းအပေါ် စိတ်ကျေနပ်မှု ပိုရစေပါတယ်။

၂။ Budget အကန့်တွေ အရမ်းမခွဲပါနဲ့။

Budget ကို အသေးစိတ် (စားဖို့၊ သွားဖို့၊ ဝတ်ဖို့၊ လေ့လာဖို့) ဆိုပြီး အများကြီး ခွဲထားလေလေ၊ "Bottom-Dollar" ခံစားရတာ တစ်လမှာ အကြိမ်များလေလေပါပဲ။ အကန့် ၆ ခုခွဲရင် တစ်လကို ၆ ခါ စိတ်မကျေနပ် ဖြစ်နိုင်တယ်။ အကောင်းဆုံးက Budget အကန့်တွေကို နည်းနိုင်သမျှ နည်းအောင် (ဥပမာ- "အထွေထွေသုံးစွဲငွေ") ပေါင်းထားလိုက်ပါ။ ဒါဆို တစ်လမှာ တစ်ခါပဲ "Bottom-Dollar" ကို ခံစားရတော့မှာပါ။

၃။ "အပိုဝင်ငွေ" ကို သီးသန့်သုံးပါ။

အပိုဝင်ငွေ (Bonus) တွေ၊ လက်ဆောင်ရတဲ့ ပိုက်ဆံတွေ၊ ကံစမ်းမဲပေါက်တာတွေ ရရင် အဲ့ဒီပိုက်ဆံကို ကိုယ်ဝယ်ချင်နေတဲ့ ပစ္စည်းတွေဝယ်ဖို့ သီးသန့်သုံးပါ။ ဦးနှောက်က ဒါကို "ပုံမှန်လစာ" လို့ မသတ်မှတ်ဘဲ "အလကားရတဲ့ ပိုက်ဆံ" လို့ သတ်မှတ်ထားရင် သုံးရတာ "နာကျင်မှု" သိပ်မရှိတော့ပါဘူး။

အဓိက မှတ်သားစရာ (Key Takeaway)

The Bottom-Dollar Effect ဆိုတာ ကိုယ့်ရဲ့ Budget ကုန်ခါနီးမှာ ဝယ်လိုက်တဲ့ ပစ္စည်းအပေါ်  "စိတ်ကျေနပ်မှု နည်းသွားခြင်း" ဖြစ်စဉ်ပါ။ 

တကယ့်ပြဿနာက ပစ္စည်းမကောင်းလို့ မဟုတ်ဘဲ၊ "ပိုက်ဆံကုန်တော့မယ်" ဆိုတဲ့ စိတ်ဖိစီးမှုနဲ့ နာကျင်မှုကို အဲဒီပစ္စည်းပေါ် အပြစ်ပုံချလိုက်တာပါ။

ဒါကိုသိထားခြင်းအားဖြင့် လဆန်းမှာ အရေးကြီးတဲ့ ဝယ်ယူမှုတွေလုပ်တာ၊ Budget အကန့်တွေ သိပ်မခွဲတာ၊ အပိုဝင်ငွေတွေကို သုံးတာမျိုးနဲ့ ကိုယ့်ရဲ့ စိတ်ကျေနပ်မှုကို ပြန်လည် ထိန်းချုပ်နိုင်ပါတယ်။ 

နောက်တစ်ခါ လကုန်မှာ တစ်ခုခုဝယ်ပြီး စိတ်မကျေနပ်ဖြစ်လာရင်၊ "ဒါ ပစ္စည်းမကောင်းလို့လား၊ ဒါမှမဟုတ် Bottom-Dollar Effect ကြောင့်လား" ဆိုတာ ကိုယ့်ကိုယ်ကိုယ် ပြန်မေးကြည့်လိုက်ပါ။

For Business Owners:

သင့် Customer ကို "ပိုက်ဆံကုန်ပြီ" လို့ ခံစားစေမိရင် သင့်လုပ်ငန်း ရှုံးနိုင်တယ်။

ဒါက လုပ်ငန်းရှင်တော်တော်များများ သတိမထားမိတဲ့ အချက်တစ်ခုပါ။ သင့် Customer တစ်ယောက်က သင့်ပစ္စည်းကို အရမ်းကြိုက်တယ်။ ဒါပေမဲ့ သူဝယ်လိုက်တဲ့ အချိန်က "လကုန်ရက်" ဖြစ်နေတယ်။ သူ့ရဲ့ Budget ကုန်ခါနီး နောက်ဆုံးပိုက်ဆံနဲ့ ဝယ်လိုက်ရတယ်။

ရလဒ်ကဘာလဲ? 

သူ အဲဒီပစ္စည်းအပေါ် ကျေနပ်မှု လျော့သွားတယ်။ "ငါ မဝယ်လိုက်ရရင် ကောင်းမလား"၊ "ဒီလောက် ပိုက်ဆံပေးရတာ တန်ရဲ့လား" ဆိုပြီး အတွေးဝင်လာတယ်။

ဒါကို Bottom-Dollar Effect လို့ ခေါ်တာပါ။

ဒီနေရာမှာ အရေးကြီးဆုံးအချက်ကို ကျွန်တော် အရင်ပြောပြချင်ပါတယ်။ လုပ်ငန်းရှင်တစ်ယောက်အနေနဲ့ ဒီ Effect ကို "အသုံးချပြီး" အမြတ်တင်ဖို့ ကြိုးစားလို့ မရပါဘူး။

ဘာလို့လဲဆိုတော့ ဒီ Effect ရဲ့ အဓိကရလဒ်က "စိတ်မကျေနပ်ခြင်း" (Dissatisfaction) ဖြစ်နေလို့ပါ။ သင့်ပစ္စည်းကိုဝယ်ပြီး Customer က စိတ်မကျေနပ်ဖြစ်သွားရင် သင့်ဆီ ဘယ်တော့မှ ပြန်လာတော့မှာ မဟုတ်ပါဘူး။

ဒါကြောင့်... စီးပွားရေးလုပ်ငန်းရှင်တွေရဲ့ တကယ့်ရည်မှန်းချက်က ဒီ Effect ကို "အသုံးချဖို့" မဟုတ်ဘဲ၊ "ဒီ Effect မဖြစ်အောင် ကာကွယ်တားဆီးရမှာ” ဖြစ်ပါတယ်။

သင့် Customer တွေ သင့်ပစ္စည်းကို ဝယ်တဲ့အခါတိုင်း၊ Budget ရဲ့ အစမှာပဲဖြစ်ဖြစ်၊ အဆုံးမှာပဲဖြစ်ဖြစ်... "ဝယ်ရတာ တန်လိုက်တာ" ဆိုတဲ့ ခံစားချက်ကို ပေးနိုင်မယ်ဆိုရင် တစ်ကြိမ်တစ်ခါတည်း အမြတ်အစွန်းထက်၊ ရေရှည် အမြတ်အစွန်းကို တိုးတက်စေမှာပါ။ 

ကဲ... ဒါဆို လုပ်ငန်းရှင်တွေအနေနဲ့ ဒီ Bottom-Dollar Effect ရဲ့ အန္တရာယ်ကို ဘယ်လိုရှောင်ရှားပြီး ကိုယ့်ရဲ့ရောင်းအားနဲ့ Customer ကျေနပ်မှုကို မြှင့်တင်မလဲဆိုတာ ကြည့်လိုက်ရအောင်။

၁။ အချိန်ကိုက်က အဓိကပါ (Payday Marketing)

လူတွေက ပိုက်ဆံအိတ်ထူနေချိန် (Budget ပြည့်နေချိန်) မှာ သုံးစွဲရတာ "နာကျင်မှု" (Pain of Payment) အနည်းဆုံးပါပဲ။

• လက်တွေ့လုပ်ဆောင်ရန်:

• သင့်ရဲ့ အကြီးမားဆုံး Promotion တွေ၊ Product အသစ်မိတ်ဆက်ပွဲတွေ၊ ဒါမှမဟုတ် အရေးအကြီးဆုံး Marketing Campaign တွေကို လဆန်းရက်တွေ (Payday) မှာ အဓိကထားပြီး လုပ်ပါ။

• ဥပမာ- မြန်မာနိုင်ငံမှာဆိုရင် လတိုင်းရဲ့ ၁ ရက်နေ့ကနေ ၇ ရက်နေ့ အတွင်းက လူတွေ ပိုက်ဆံသုံးဖို့ အဆင်သင့်ဆုံး အချိန်ပါ။ ဒီအချိန်မှာ Facebook Ads တွေ၊ Email Marketing တွေကို ပိုပြီး အရှိန်မြှင့်ပါ။

• လကုန်ရက်တွေမှာတော့ "ဝယ်ပါ" လို့ တိုက်တွန်းတာထက် "နောက်လ လဆန်းမှာ Promotion အကြီးကြီး လာမယ်" ဆိုပြီး ကြိုတင်ပြင်ဆင်ခိုင်းတာ (Teaser) မျိုးက ပိုထိရောက်နိုင်ပါတယ်။

၂။ "တန်ဖိုး" ကို ပြန်အဓိပ္ပာယ်ဖွင့်ပါ (Deals & Discounts)

မဖြစ်မနေ လကုန်ရက်မှာမှ ဝယ်ဖို့လိုလာတဲ့ Customer တွေအတွက်တော့ "ငါ ပိုက်ဆံကုန်တော့မယ်" ဆိုတဲ့ နာကျင်မှုထက် ပိုကြီးမားတဲ့ "ပျော်ရွှင်မှု" တစ်ခုကို ပေးရပါမယ်။

အဲ့ဒါကတော့ "Deal ကောင်း တစ်ခု ရလိုက်ခြင်း" (Joy of Getting a Deal) ဆိုတဲ့ ခံစားချက်ပါ။

• လက်တွေ့လုပ်ဆောင်ရန်:

• "လကုန် အထူး Promotion" (End-of-Month Clearance)၊ "Buy 1 Get 1"၊ "Limited Time Offer" တွေလုပ်ပေးပါ။

• Customer က "ငါ့ရဲ့ နောက်ဆုံးပိုက်ဆံလေးနဲ့ ဝယ်လိုက်ရတယ်" လို့ ခံစားရမယ့်အစား "ငါက တော်လိုက်တာ၊ ဒီလို Discount ကြီးကို မှီအောင် ဝယ်လိုက်နိုင်တယ်" ဆိုတဲ့ "စမတ်ကျမှု" ကို ခံစားသွားစေရပါမယ်။

• ဒီနည်းလမ်းက သူတို့ရဲ့ "နာကျင်မှု" ကို "အောင်နိုင်မှု" ဆိုတဲ့ ခံစားချက်နဲ့ လဲလှယ်ပစ်လိုက်တာပါ။

၃။ စိတ်ထဲက စာရင်း (Mental Account) ကို ပြောင်းပေးပါ။

လူတွေက "လစာ" ထဲက ပိုက်ဆံကို သုံးရတာ နှမြောပေမယ့်၊ "အပိုဆု" (Bonus) ထဲက ပိုက်ဆံကို သုံးရတာ မနှမြောပါဘူး။ ဒါက Mental Accounting ပါ။

• လက်တွေ့လုပ်ဆောင်ရန်:

• သင့်ရဲ့ Marketing Message ကို ပြောင်းပါ။ သင့်ပစ္စည်းကို "နေ့စဉ်ဘဝ Budget" ထဲက ဝယ်ရမယ့် ပစ္စည်းတစ်ခုလို မပြောဘဲ၊ "ကိုယ့်ကိုယ်ကိုယ် ပင်ပန်းထားသမျှ ပြန်ပေးတဲ့ ဆု" (Reward) အဖြစ် ပုံဖော်ပါ။

• ဥပမာ- "ဒီတစ်လလုံး ပင်ပန်းထားသမျှ... ကိုယ့်ကိုယ်ကိုယ် ဒီ (ပစ္စည်း/ဝန်ဆောင်မှု) လေးနဲ့ Reward ပေးလိုက်ပါ" ဆိုတဲ့ စာသားမျိုးက Customer ကို "အပိုသုံးငွေ" စာရင်းထဲကနေ သုံးဖို့ တိုက်တွန်းပေးပါတယ်။

• ဒါက သူတို့ရဲ့ "ကုန်တော့မယ့် Budget" ကို သွားမထိတော့တဲ့အတွက် Bottom-Dollar Effect ကို ရှောင်နိုင်စေပါတယ်။

၄။ ငွေပေးချေမှု နာကျင်မှုကို လျှော့ချပါ (Reduce Payment Pain)

လကုန်မှာ တစ်ခါတည်း ငွေ ၁၀၀၀၀၀ ရှင်းလိုက်ရတာက အရမ်းနာကျင်စေပါတယ်။ ဒါပေမဲ့ ၃၀၀၀၀ ပဲ ရှင်းရတယ်ဆိုရင်တော့ နာကျင်မှုက နည်းနည်း သက်သာသွားတယ်။

• လက်တွေ့လုပ်ဆောင်ရန်:

• အရစ်ကျ စနစ် (Installment Plans) ဒါမှမဟုတ် "Buy Now, Pay Later" (BNPL) ဝန်ဆောင်မှုတွေနဲ့ ချိတ်ဆက်ပါ။

• ဈေးကြီးတဲ့ ပစ္စည်းတွေကို ရောင်းတဲ့ လုပ်ငန်း (ဥပမာ- ဖုန်း၊ ကွန်ပျူတာ၊ ပရိဘောဂ) တွေအတွက် ဒါက အထိရောက်ဆုံး နည်းလမ်းပါ။

• Customer က ပစ္စည်းကို ချက်ချင်းရသွားပေမယ့်၊ ပိုက်ဆံက သူ့ရဲ့ "လကုန် Budget" ကို တစ်ခါတည်း မထိခိုက်စေတော့တဲ့အတွက် စိတ်ကျေနပ်မှု ရစေပါတယ်။ သူတို့က "လစဉ် ပေးချေမှု အနည်းငယ်" ကိုပဲ အာရုံစိုက်တော့တာပါ။

အနှစ်ချုပ် (Summary)

Bottom-Dollar Effect က လုပ်ငန်းရှင်တွေအတွက် ရန်သူပါ။ ဒါကို အသုံးချလို့မရပါဘူး၊ ရှောင်ရှားရမှာပါ။

အမြတ်အစွန်းကို တကယ်တိုးစေချင်ရင် သင့် Customer တွေ သင့်ပစ္စည်းကို ဝယ်တဲ့အခါ "စိတ်ကျေနပ်မှု" အပြည့်အဝ ရဖို့ပဲ ကြိုးစားရပါမယ်။ ဒါကိုလုပ်ဖို့...

1. လဆန်း (Payday) မှာ အဓိကထား ရောင်းပါ။

2. လကုန် မှာတော့ "Discount" တွေ၊ "Deal" တွေနဲ့ နာကျင်မှုကို သက်သာစေပါ။

3. သင့်ပစ္စည်းကို "Budget" ထဲက မဟုတ်ဘဲ "Reward" အဖြစ် ပုံဖော်ပါ။

4. အရစ်ကျ (Installment) စနစ်နဲ့ ငွေပေးချေမှု နာကျင်မှုကို လျှော့ချပါ။

ဒီနည်းလမ်းတွေက သင့် Customer တွေ ပိုက်ဆံအိတ်ပါးနေချိန်မှာတောင် သင့် Brand ကို ချစ်နေစေမယ့် နည်းလမ်းတွေပါပဲ။

©12minNotesMyanmar-Est.2019

~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ 

🚨 လူအများစုက ကိုယ့်ကိုယ်ကိုယ် အမြဲတမ်း မှန်ကန်တဲ့ဆုံးဖြတ်ချက်တွေ ချနေတယ်လို့ ထင်နေတတ်ကြပေမယ့် တကယ်တမ်းမှာ အခုလေ့လာခဲ့တဲ့ Cognitive Bias လိုမျိုး ကျွန်တော်တို့ ဦးနှောက်က မသိမသာလှည့်စားနေတဲ့ "Thinking Traps (တွေးခေါ်မှုထောင်ချောက်)" တွေ အများကြီး ရှိပါတယ်။

ဒီထောင်ချောက်တွေကို သတိမပြုမိသ၍၊ ဒါတွေကနေ မရုန်းထွက်နိုင်သရွေ့ အချိန်တွေ၊ ငွေကြေးတွေ မလိုလားအပ်ဘဲ ဆက်ပြီးဆုံးရှုံးနေရဦးမှာပါ။ 💸

ဒီအမှားတွေကို ကာကွယ်ပေးပြီး၊ လူတိုင်းမသိမသာ ကျရောက်နေတတ်တဲ့ ဦးနှောက်ရဲ့ ထောင်ချောက်တွေကို ဖော်ထုတ်ပေးမယ့် "Thinking Traps" (Super Guide eBook) ကို 12min Notes Myanmar (Est. 2019) မှာ ရယူလေ့လာနိုင်ပါပြီ။ 🚀

ဒီ Super Guide ထဲမှာ… လူတွေအများဆုံးမှားတတ်ကြတဲ့ ဆုံးဖြတ်ချက်ထောင်ချောက် (Thinking Traps/Biases) ပေါင်း ၃၀ ခန့်ကို လေ့လာရှောင်ရှားရင်း ထိပ်တန်း Decision Maker တွေ၊ Business Leader တွေလို တွေးခေါ်နိုင်မယ့်နည်းလမ်းတွေကို မြန်မာလို အလွယ်ကူဆုံး အသုံးချနိုင်သွားမှာပါ။

Thinking Traps (Super Guide eBook) ကို ရယူအသုံးချလိုပါက −

Messenger: https://m.me/12minNotes မှာ TRAPS လို့ စာပို့လိုက်ပါ။ ✅

(သို့မဟုတ်) 

Telegram: https://t.me/My12minNotesBot မှာ TRAPS လို့ စာပို့လိုက်ပါ။ ✅

~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ 

“Advanced-level” Invitation:

တကယ်လို့ စာဖတ်သူမိတ်ဆွေက အခုထက် ပိုအဆင့်မြင့်တဲ့ Elite Level ကို သွားချင်တယ်ဆိုရင် ထိပ်တန်း 1% သောပုဂ္ဂိုလ်တွေ လေ့လာအသုံးချနေတဲ့ Secret Program ကြီး ရှိပါတယ်။

အဲ့ဒါကတော့…

Applied Business Psychology, Behavioral Science, Neuromarketing ဆိုင်ရာ အဆင့်မြင့် ပညာရပ်တွေကို ကိုယ့်ရဲ့ Professional နယ်ပယ်အတွက် အကျယ်ပြန့်ဆုံး၊ အစုံလင်ဆုံး ရယူအသုံးချနိုင်စေမယ့် "မြန်မာ့ပထမဆုံး” Profits Max Program ကြီးပါပဲ။

✅ ဖန်တီးချိန် နာရီပေါင်း ၁၀၀၀ ကျော်၊
✅ Resource တန်ဖိုးချည်း သိန်း ၁၇၀ ကျော်တန်ဖိုးရှိပြီး၊
✅ ကမ္ဘာ့ထိပ်တန်း စီးပွားရေးလုပ်ငန်းတိုင်းမှာ အသုံးချနေကြတဲ့ Business Psychology & Behavioral Science လျှို့ဝှက်ချက်တွေကို ဒီ Link တွေမှာ လေ့လာရယူလိုက်ပါ။👇

၁။ စာဖြင့် အသေးစိတ် ဖတ်ရှုရန် −

Facebook: https://www.facebook.com/12minNotes/posts/1149466227349406

Website: https://12minnotes.com/courses မှာ Profits Max Program ကိုရှာပါ။

၂။ Video ရှင်းပြချက် ကြည့်ရန် −

Facebook: https://www.facebook.com/100068581195075/posts/1150184313944264/

YouTube: https://www.youtube.com/watch?v=QKaVeNDO1Rw

၃။ တစ်ခါတည်းဝယ်ယူအသုံးချရန် −

Messenger: https://m.me/12minNotes မှာ PMP လို့ စာပို့လိုက်ပါ။ ✅

(သို့မဟုတ်) 

Telegram: https://t.me/My12minNotesBot မှာ PMP လို့ စာပို့လိုက်ပါ။ ✅

Author : 12min Notes Myanmar