🧠 Mental Models for Better Thinking: The Ultimate Operating System for Your Brain

သင့်ဆီမှာ (ရိုက်စရာ)တူတစ်လက်ပဲရှိရင် ပြဿနာတိုင်းဟာ သံတွေလို ဖြစ်နေလိမ့်မယ်။

ခင်ဗျားရဲ့ လုပ်ငန်းခွင် ဒါမှမဟုတ် နေ့စဉ်ဘဝမှာ ဆုံးဖြတ်ချက်တွေချတဲ့အခါ အမြဲတမ်း မှားယွင်းနေတာမျိုး၊ ဒါမှမဟုတ် အရေးကြီးတဲ့ ပြဿနာတစ်ခုကို ဖြေရှင်းဖို့ ကြုံလာတိုင်း ခေါင်းထဲမှာ ဘာလုပ်ရမှန်းမသိဘဲ (Analysis Paralysis) ဖြစ်ပြီး ရပ်တန့်သွားတာမျိုး ကြုံဖူးပါသလား?

ကျွန်တော်တို့အားလုံးဟာ ကိုယ့်ဘဝနဲ့ကိုယ်တော့ ကြိုးစားနေကြတဲ့သူတွေချည်းပါပဲ။

ဒါပေမယ့် ဘာကြောင့် တချို့လူတွေ (ဥပမာ - Warren Buffett, Charlie Munger, Elon Musk ကဲ့သို့သော ပုဂ္ဂိုလ်များ) ဟာ ခက်ခဲရှုပ်ထွေးတဲ့ ပြဿနာတွေကို ရှင်းလင်းလွယ်ကူစွာ ဖြေရှင်းနိုင်ပြီး၊ အခြားသူတွေကတော့ ပြဿနာတစ်ခုတည်းမှာတင် အခက်တွေ့နေတတ်ကြသလဲ?

အကြောင်းရင်းက ခင်ဗျား ဉာဏ်မကောင်းလို့၊ ကြိုးစားအားထုတ်မှု မရှိလို့ မဟုတ်ပါဘူး။

ပြဿနာက "ခင်ဗျားရဲ့ ဦးနှောက်ထဲမှာ တွေးခေါ်ဆုံးဖြတ်ဖို့အတွက် Tools (ကိရိယာ) လုံလောက်စွာ မရှိသေးလို့" ပဲ ဖြစ်ပါတယ်။

နာမည်ကျော် စကားပုံတစ်ခုရှိပါတယ်။

"If all you have is a hammer, everything looks like a nail."

(သင့်ဆီမှာ တူတစ်လက်ပဲ ရှိနေမယ်ဆိုရင်၊ တွေ့သမျှပြဿနာတိုင်းဟာ သံတွေလိုပဲ မြင်နေရလိမ့်မယ်။)

လူအများစုဟာ ကိုယ်ကျွမ်းကျင်ရာ နယ်ပယ်တစ်ခုတည်းကနေ ရလာတဲ့ အသိပညာ (Single Lens) လေးတစ်ခုတည်းကိုပဲ ကိုင်စွဲပြီး ကမ္ဘာကြီးတစ်ခုလုံးကို နားလည်ဖို့ ကြိုးစားတတ်ကြပါတယ်။ 

စီးပွားရေးသမားက အရာရာကို အမြတ်အစွန်းနဲ့ပဲ တွက်ချက်တတ်ပြီး၊ အင်ဂျင်နီယာက အရာရာကို System တစ်ခုလိုပဲ မြင်တတ်ကြပါတယ်။

ဒီလို ကျဉ်းမြောင်းတဲ့ ရှုထောင့်ကနေ ဆုံးဖြတ်ချက်ချတဲ့အခါ ကိုယ်မမြင်နိုင်တဲ့ကွက်လပ် (Blind spots) တွေ အများကြီးကျန်ခဲ့ပြီး၊ လက်တွေ့ဘဝမှာ ဆုံးရှုံးမှုတွေ၊ အမှားတွေနဲ့ မကြာခဏ ရင်ဆိုင်ရတော့တာပါပဲ။

လောကကြီးတစ်ခုလုံးကို နားလည်နိုင်မယ့် Latticework of Mental Models

ဒီပြဿနာကို ကလေးတစ်ယောက် နားလည်အောင် အလွယ်ဆုံး ရှင်းပြရရင် "App တွေ အစုံမသွင်းထားတဲ့ စမတ်ဖုန်းတစ်လုံး" နဲ့ တူပါတယ်။

ခင်ဗျားရဲ့ ဖုန်းဘယ်လောက်ပဲ ကောင်းကောင်း၊ ပုံပြင်ဖို့ App မရှိရင် ပုံပြင်လို့မရသလို၊ မြေပုံကြည့်ဖို့ App မရှိရင် လမ်းပျောက်မှာပါပဲ။

ကျွန်တော်တို့ရဲ့ ဦးနှောက်ကလည်း ဒီအတိုင်း အတိအကျပါပဲ။

ကမ္ဘာကျော် ဘီလီယံနာ ရင်းနှီးမြှုပ်နှံသူကြီး Charlie Munger (Warren Buffett ရဲ့ Business Partner) က သူ့ရဲ့ အောင်မြင်မှု လျှို့ဝှက်ချက်ကို ခုလို ရှင်းပြခဲ့ပါတယ် - "လောကကြီးကို နားလည်ဖို့အတွက် အချက်အလက် (Facts) တွေကို အလွတ်ကျက်မှတ်နေရုံနဲ့ မရပါဘူး။ အဲ့ဒီ အချက်အလက်တွေကို ချိတ်ဆက်ပေးနိုင်မယ့် Mental Models တွေ ခင်ဗျားဦးနှောက်ထဲမှာ ရှိနေဖို့ လိုပါတယ်။"

Mental Model ဆိုတာ ဘာလဲ?

Mental Model ဆိုတာ လောကကြီးမှာ အရာဝတ္ထုတွေ၊ ပြဿနာတွေ၊ လူတွေ ဘယ်လိုအလုပ်လုပ်သလဲ ဆိုတာကို ရှင်းလင်းလွယ်ကူအောင် ပုံဖော်ပေးထားတဲ့ "စိတ်ပိုင်းဆိုင်ရာ တွေးခေါ်မှုပုံစံ" တွေပဲ ဖြစ်ပါတယ်။ 

ကမ္ဘာကြီးမှာ ပညာရပ်နယ်ပယ်ပေါင်းစုံ (Physics, Chemistry, Biology, Economics, Psychology စသဖြင့်) ရှိပါတယ်။

အဲ့ဒီနယ်ပယ် အသီးသီးကနေ အရေးအကြီးဆုံးသော "Big Ideas" တွေကို ထုတ်ယူပြီး ကိုယ့်ရဲ့ နေ့စဉ်ဘဝမှာ ပြန်လည်အသုံးချခြင်းကို Charlie Munger က Latticework of Mental Models လို့ ခေါ်ဆိုခဲ့ပါတယ်။

12min Notes Myanmar (Est. 2019) မှ တင်ဆက်လိုက်တဲ့ "Mental Models for Better Thinking" Course ဟာ မြန်မာနိုင်ငံမှာ ပထမဆုံးနဲ့ အပြည့်စုံဆုံးသော တွေးခေါ်မှုပိုင်းဆိုင်ရာ Masterclass တစ်ခု ဖြစ်ပါတယ်။

ဒီ Masterclass မှာ Mental Models ပေါင်း ၃၀ ကျော်ကို သာမန်အပေါ်ယံ သီအိုရီတွေအဖြစ် မဟုတ်ဘဲ၊ လက်တွေ့ လုပ်ငန်းခွင်နဲ့ ဘဝမှာ ချက်ချင်းအသုံးချနိုင်မယ့် Tools များအဖြစ် (In-Depth) ရှင်းပြပေးသွားမှာပါ။

💡 Module 1 - General Mental Models (The Foundational Tools)

ပထမဆုံး Module အနေနဲ့ လောကကြီးကို ရှုထောင့်ပေါင်းစုံကနေ မြင်နိုင်စွမ်းရှိဖို့ အောက်ပါ အခြေခံအကျဆုံးနဲ့ အစွမ်းအထက်ဆုံး Mental Models (၁၂) ခုကို အသေးစိတ် လေ့လာရပါမယ်။

၁။ The Map is Not The Territory (မြေပုံသည် တကယ့်မြေပြင် မဟုတ်ပါ)

မြေပုံဆိုတာ တကယ့်မြေပြင်ရဲ့ အသေးစားပုံစံငယ် (Reduction) တစ်ခုသာဖြစ်လို့ အရာအားလုံးကို အတိအကျ မဖော်ပြနိုင်ပါဘူး။ ဒီသဘောတရားကို နားလည်ထားခြင်းဖြင့် စီးပွားရေးလုပ်ငန်းမှာ စာရွက်ပေါ်က Business Plan တွေ၊ Financial Statements တွေကိုချည်း အလွန်အမင်း ယုံကြည်မနေဘဲ၊ လက်တွေ့မြေပြင် (Territory) မှာ တကယ်ဘာဖြစ်နေလဲဆိုတာကို ဆင်းပြီးလေ့လာတတ်တဲ့ အကျင့်ကောင်း ရရှိလာပါမယ်။

Super Guide: 1910 words | Video Length: 28:15 minutes

၂။ Circle of Competence (ကျွမ်းကျင်မှု စက်ဝိုင်း)

ကိုယ့်ရဲ့ အားသာချက်က ဘာလဲ၊ ဘာကိုတော့ နားမလည်ဘူးလဲ ဆိုတာကို တိတိကျကျ သိခြင်းဖြစ်ပါတယ်။ Warren Buffett က "ခင်ဗျားရဲ့ Circle of Competence အကျယ်အဝန်းက ဘယ်လောက်ရှိလဲဆိုတာ အရေးမကြီးပါဘူး။ အရေးကြီးတာက အဲ့ဒီ စက်ဝိုင်းရဲ့ နယ်နိမိတ် (Perimeter) ကို တိတိကျကျသိပြီး အဲ့ဒီအထဲမှာပဲ အနိုင်ကစားဖို့ပါပဲ" လို့ ဆိုခဲ့ပါတယ်။ ကိုယ်မကျွမ်းကျင်တဲ့နယ်ပယ်ကို ဝင်မလုပ်မိခြင်းက ဆုံးရှုံးမှုတွေကို ကာကွယ်ပေးနိုင်ပါတယ်။

Super Guide: 1820 words | Video Length: 27:26 minutes

၃။ First Principles Thinking (အခြေခံအကျဆုံး အမှန်တရားမှ စတင်တွေးတောခြင်း)

Elon Musk ဟာ Tesla နဲ့ SpaceX ကို တည်ထောင်ရာမှာ ဒီနည်းလမ်းကို သုံးခဲ့တာပါ။ ပြဿနာတစ်ခုကို ကြုံလာရင် သူများလုပ်ဖူးတဲ့အတိုင်း (Reasoning by analogy) လိုက်မလုပ်ဘဲ၊ ပြဿနာကို အစိတ်အပိုင်းလေးတွေဖြစ်တဲ့အထိ ခွဲချလိုက်ပါ။ ပြီးရင် ဘယ်အရာကတော့ လုံးဝပြောင်းလဲလို့မရတဲ့ အမှန်တရား (Fundamental Truths) လဲဆိုတာကိုရှာပြီး၊ အဲ့ဒီအပေါ်ကနေ အဖြေအသစ်တစ်ခုကို တီထွင်ဖန်တီးခြင်း ဖြစ်ပါတယ်။

Super Guide: 2092 words | Video Length: 33:08 minutes

၄။ Falsifiability (မှားယွင်းကြောင်း သက်သေပြနိုင်စွမ်း)

သိပ္ပံနည်းကျ တွေးခေါ်မှုရဲ့ အသက်ပါပဲ။ ကိုယ့်ရဲ့ အယူအဆ သို့မဟုတ် Business Strategy တစ်ခုဟာ "ဘယ်လိုအခြေအနေမျိုးမှာဆိုရင်တော့ မှားယွင်းသွားနိုင်သလဲ" ဆိုတာကို ကြိုတင်စဉ်းစား စမ်းသပ်ခြင်း ဖြစ်ပါတယ်။ ဒါကိုသိထားရင် အမှားတွေကို ကြိုတင်ရှောင်လွှဲနိုင်ပါတယ်။

Super Guide: 1717 words | Video Length: 23:23 minutes

၅။ Thought Experiment (စိတ်ကူးထဲမှ စမ်းသပ်မှု)

ရုပ်ပိုင်းဆိုင်ရာအရ တကယ်စမ်းသပ်လို့ မရနိုင်တဲ့အရာတွေကို ကိုယ့်ရဲ့ စိတ်ကူးထဲမှာ (Sandbox of the mind) ဇာတ်လမ်းဆင်ပြီး စမ်းသပ်ကြည့်ခြင်းပါ။ Albert Einstein ဟာ အလင်းတန်းတစ်ခုပေါ်မှာ ခွစီးပြီး လိုက်သွားရင် ဘာဖြစ်မလဲဆိုတဲ့ Thought Experiment ကနေတဆင့် နာမည်ကျော် Relativity သီအိုရီကို ရှာဖွေတွေ့ရှိခဲ့တာပါ။ ဒီကမ္ဘာကျော်ပုဂ္ဂိုလ်ကြီးတွေရဲ့ စဥ်းစားတွေးခေါ်ပုံတွေကို Thought Experiment အပိုင်းမှာ ထဲထဲဝင်ဝင် လေ့လာရမှာဖြစ်ပါတယ်။

Super Guide: 1893 words | Video Length: 22:44 minutes

၆။ Necessity and Sufficiency (လိုအပ်ချက် နှင့် လုံလောက်မှု)

အောင်မြင်ဖို့အတွက် လိုအပ်တဲ့အချက် (Necessary condition) တွေ ရှိရုံနဲ့ လုံလောက်မှု (Sufficient condition) မဖြစ်သေးဘူးဆိုတာကို ခွဲခြားသိမြင်ခြင်းပါ။ ဥပမာ - စာရေးကောင်းခြင်းက အောင်မြင်တဲ့ စာရေးဆရာတစ်ယောက်ဖြစ်ဖို့ "လိုအပ်တဲ့" အချက်ဖြစ်ပေမယ့်၊ J.K. Rowling လို ကမ္ဘာကျော်ဖို့အတွက်တော့ ကံတရား၊ Timing နဲ့ တခြားအချက်တွေပေါင်းစပ်မှသာ "လုံလောက်မှု" ရှိတယ်ဆိုတာကို နားလည်စေပါတယ်။

Super Guide: 1482 words | Video Length: 20:14 minutes

၇။ Second-Order Thinking (ဒုတိယအဆင့် တွေးခေါ်ခြင်း)

သာမန်လူတွေက ဆုံးဖြတ်ချက်တစ်ခုချရင် "အခုချက်ချင်း ဘာဖြစ်မလဲ" (First-order consequence) ကိုပဲ တွေးပါတယ်။ ဒုတိယအဆင့် တွေးခေါ်တတ်သူကတော့ "And then what? (ပြီးရင် ဘာဆက်ဖြစ်မလဲ)" ဆိုတာကို မေးပြီး ဆုံးဖြတ်ချက်တစ်ခုရဲ့ နောက်ဆက်တွဲဂယက် (Second, third-order consequences) တွေကိုပါ ကြိုတင်မြင်နိုင်စွမ်း ရှိလာပါမယ်။

Super Guide: 1735 words | Video Length: 25:19 minutes

၈။ Probabilistic Thinking (ဖြစ်တန်စွမ်းဖြင့် တွေးခေါ်ခြင်း)

ကမ္ဘာကြီးမှာ ၁၀၀% သေချာတဲ့အရာဆိုတာ မရှိပါဘူး။ အရာအားလုံးဟာ မသေချာမှု (Uncertainty) တွေနဲ့ ပြည့်နှက်နေပါတယ်။ ဒါကြောင့် ဆုံးဖြတ်ချက်ချတဲ့အခါ "ဖြစ်နိုင်ခြေ (Probability) ဘယ်လောက်ရှိသလဲ" ဆိုတာကို တွက်ချက်ပြီး၊ ရလာတဲ့ Data အသစ်တွေအပေါ် မူတည်ကာ ကိုယ့်ရဲ့ ဆုံးဖြတ်ချက်ကို အမြဲတမ်း Update လုပ်သွားစေတဲ့ စဥ်းစားတွေးခေါ်မှုပုံစံ ဖြစ်ပါတယ်။

Super Guide: 2322 words | Video Length: 40:09 minutes

၉။ Correlation vs Causation (တိုက်ဆိုင်မှု နှင့် တကယ့်အကြောင်းရင်း)

အဖြစ်အပျက်နှစ်ခု တစ်ပြိုင်နက်တည်း ဖြစ်ပေါ်လာတိုင်း (Correlation)၊ တစ်ခုက နောက်တစ်ခုကို ဖြစ်စေတာ (Causation) လို့ ယူဆလို့မရပါဘူး။ ဒါကိုမခွဲခြားနိုင်ရင် ပြဿနာရဲ့ ဇာစ်မြစ်အမှန်ကို မရှာနိုင်ဘဲ အဖြေရှာရာမှာ လမ်းလွဲသွားနိုင်ပါတယ်။

Super Guide: 1669 words | Video Length: 29:36 minutes

၁၀။ Occam's Razor (အရှင်းလင်းဆုံးသည် အမှန်ကန်ဆုံး)

ပြဿနာတစ်ခုအတွက် ရှင်းပြချက်တွေ၊ အဖြေတွေ အများကြီးရှိနေတဲ့အခါ၊ ယူဆချက် (Assumptions) အနည်းဆုံးနဲ့ အရှင်းလင်းဆုံးသော အဖြေဟာ အမှန်ကန်ဆုံး ဖြစ်ဖို့ရာခိုင်နှုန်း အများဆုံးပါပဲ။ ဒီ Rule ကိုသုံးပြီး ရှုပ်ထွေးနေတဲ့ အရာတွေကို ရှင်းလင်းပစ်နိုင်ပါတယ်။

Super Guide: 1504 words | Video Length: 19:22 minutes

၁၁။ Hanlon's Razor (မကောင်းမြင်စိတ်ကို ဖယ်ရှားခြင်း)

"လူတွေရဲ့ အမှားတွေကို တမင်သက်သက် (Malice) လုပ်တယ်လို့ မထင်ဘဲ၊ ပေါ့ဆမှု (Neglect) ဒါမှမဟုတ် မသိနားမလည်မှုကြောင့် ဖြစ်တယ်လို့ နားလည်ပေးပါ။" ဒီ Mental Model က ခင်ဗျားရဲ့ လုပ်ငန်းခွင်နဲ့ လူမှုဆက်ဆံရေးမှာ မလိုအပ်တဲ့ ဒေါသတွေ၊ အထင်အမြင်လွဲမှားမှုတွေကို ဖယ်ရှားပေးပြီး ပြဿနာကို အေးအေးဆေးဆေး ဖြေရှင်းနိုင်စေပါတယ်။

Super Guide: 1661 words | Video Length: 20:31 minutes

၁၂။ Inversion (ပြောင်းပြန်လှန်၍ တွေးခြင်း)

အောင်မြင်ဖို့ ဘာတွေလုပ်ရမလဲလို့ တွေးမယ့်အစား "ကျရှုံးအောင် ဘာတွေက လုပ်နိုင်သလဲ၊ အဲ့ဒါတွေကို ငါဘယ်လို ရှောင်ရှားရမလဲ" လို့ ပြောင်းပြန်လှန်တွေးတဲ့ နည်းလမ်းပါ။ အမှားတွေကို ရှောင်ရှားနိုင်ခြင်းက အောင်မြင်မှုဆီကို သွားတဲ့ အမြန်ဆုံးလမ်းကြောင်းပါပဲ။

Super Guide: 1675 words | Video Length: 21:59 minutes

🚀 Upcoming Modules (Crossing the Boundaries)

Charlie Munger ပြောခဲ့သလိုပါပဲ၊ ပြဿနာအားလုံးဟာ နယ်ပယ်တစ်ခုတည်းမှာ ရှိမနေပါဘူး။

ဒါကြောင့် နောက်ထပ် Module တွေမှာ ကမ္ဘာကြီးရဲ့ အခြေခံအကျဆုံး သိပ္ပံနယ်ပယ်တွေဆီကနေ အစွမ်းထက်ဆုံး Mental Models တွေကို ဆက်လက်လေ့လာရပါမယ်။

Module 2 - Physics Mental Models: Relativity, Velocity, Thermodynamics, Inertia စတဲ့ ရူပဗေဒ သဘောတရားတွေကို စီးပွားရေးနဲ့ နေ့စဉ်ဘဝမှာ Leverage (လီဗာ) တစ်ခုအနေနဲ့ ဘယ်လို အသုံးချမလဲ?

Module 3 - Chemistry Mental Models: Catalysts, Activation Energy, Alloying စတဲ့ ဓာတုဗေဒ သဘောတရားတွေကနေတဆင့် လုပ်ငန်းတိုးတက်မှုကို ဘယ်လို အရှိန်တင်မလဲ?

Module 4 - Biology Mental Models: Evolution, Adaptation, Red Queen Effect စတဲ့ ဇီဝဗေဒ သဘာဝတရားတွေကနေ စီးပွားရေးပြိုင်ပွဲမှာ အမြဲတမ်း ရှင်သန်နိုင်ဖို့ ဘယ်လို သင်ခန်းစာယူမလဲ?

Module 5 - Economics Mental Models: Opportunity Costs, Scarcity, Supply and Demand စတဲ့ ဘောဂဗေဒအမြင်တွေနဲ့ အကျိုးအမြတ်အများဆုံးရှာဖွေပြီး ဆုံးရှုံးမှုတွေကို ဘယ်လို ကာကွယ်မလဲ?

ဒီ Masterclass က သင့်အတွက် ဘာတွေ ပြောင်းလဲပေးနိုင်မလဲ?

ဒီ "Mental Models for Better Thinking" Masterclass ဟာ သာမန် စာတွေ့သီအိုရီ သင်တန်းတစ်ခု မဟုတ်ပါဘူး။

ဒါဟာ ခင်ဗျားရဲ့ ဦးနှောက်ထဲကို ကမ္ဘာ့အဆင့်မီ Decision-Making Operating System သစ်တစ်ခု Install လုပ်ပေးလိုက်ခြင်း ဖြစ်ပါတယ်။

ဒီ Masterclass ကို လေ့လာပြီးသွားတဲ့အခါ - 

၁။ Sharper Decision Making: ဆုံးဖြတ်ချက်ချတဲ့အခါ ယခင်လို စိတ်ခံစားမှု (သို့) အလိုအလျောက် တုံ့ပြန်မှုသက်သက် မဟုတ်တော့ဘဲ၊ Tools မျိုးစုံသုံးပြီး တိကျမှန်ကန်စွာ ဆုံးဖြတ်နိုင်လာပါမယ်။ 

၂။ Seeing the Matrix: ပြဿနာတစ်ခုကို ကြုံလာရင် အခြားသူတွေ မမြင်နိုင်တဲ့ နောက်ကွယ်က အကြောင်းရင်း (Root causes) တွေ၊ ဆက်စပ်မှု (Interconnections) တွေကို ရှင်းလင်းစွာ မြင်လာနိုင်ပါမယ်။ 

၃။ Avoiding Costly Mistakes: အခြားသူတွေ အလွယ်တကူ ကျရောက်တတ်တဲ့ Cognitive Biases ထောင်ချောက်တွေကို ကြိုတင်ရှောင်လွှဲနိုင်တဲ့အတွက် အချိန်နဲ့ ငွေကြေး ဆုံးရှုံးမှုတွေကို ကာကွယ်နိုင်ပါမယ်။

ဒီ Masterclass ဟာ သင့်လိုမျိုး စီးပွားရေးလုပ်ငန်းရှင်များ၊ Working Professionals များ၊ မန်နေဂျာများ၊ အမြဲတမ်း သင်ယူလေ့လာနေချင်တဲ့ Lifelong Learners များနဲ့ နေ့စဉ်ဘဝမှာ အကောင်းဆုံး ဆုံးဖြတ်ချက်တွေ ချမှတ်ချင်သူတိုင်းအတွက် သီးသန့် ဖန်တီးထားတာပါ။

"If you skillfully follow the multidisciplinary path, you will never wish to come back. It would be like cutting off your hands." (နယ်ပယ်စုံက အသိပညာတွေကို ပေါင်းစပ်တွေးခေါ်တတ်တဲ့ လမ်းကြောင်းပေါ်ကိုသာ ခင်ဗျား ကျွမ်းကျွမ်းကျင်ကျင် လျှောက်လှမ်းနိုင်သွားပြီဆိုရင်၊ အရင်ကလို ကျဉ်းမြောင်းတဲ့ တွေးခေါ်မှုပုံစံဆီကို ဘယ်တော့မှ ပြန်သွားချင်တော့မှာ မဟုတ်ပါဘူး။ ပြန်သွားရမယ် ဆိုရင်တောင် ကိုယ့်လက်နှစ်ဖက်ကို ဖြတ်ပစ်ရသလို ခံစားရပါလိမ့်မယ်။) … လို့ Charlie Munger က တင်စားပြောဆိုခဲ့ပါတယ်။

ကိုယ့်ရဲ့ ပြဿနာဟောင်းတွေကို အတွေးအခေါ်ဟောင်း၊ ကိရိယာဟောင်းတွေနဲ့ပဲ ဆက်ပြီး ရင်ဆိုင်နေမလား?

ဒါမှမဟုတ်

ကမ္ဘာ့အတော်ဆုံး ပုဂ္ဂိုလ်တွေ အသုံးပြုတဲ့ Mental Models တွေကို လေ့လာပြီး သင့်ရဲ့ ဦးနှောက်ကို အစွမ်းထက်ဆုံး လက်နက်တစ်ခုအဖြစ် ပြောင်းလဲပစ်မလား?

ဒီနေ့ပဲ "Mental Models for Better Thinking" Masterclass ကို Join ပြီး၊ ပိုမိုထက်မြက်တဲ့ တွေးခေါ်ရှင်တစ်ယောက်အဖြစ် စတင်ပြောင်းလဲလိုက်ပါ!

Masterclass ကို ဝယ်ယူလေ့လာရန်နှင့် အသေးစိတ်သိရှိလိုပါက −

FB Page Messenger: https://m.me/12minNotes (သို့မဟုတ်)

Telegram Bot: https://t.me/My12minNotesBot မှ ဆက်သွယ်ပါ။